Álemdegi eń qymbat zergerlik áshekeıler
ASTANA. 24 qarasha. QazAqparat - Kóz jaýyn alar áshekeı buıymdardy syıǵa tartýǵa, saltanatty keshterge taǵyp barýǵa bolady. Tipti, búginde ádemi áshekeı zergerlik buıymdar áıelder, erler, balalar úshin de kúndelik qoldanatyn zatyna aınalǵandyǵy shyndyq. Desek te, sáni men saltanaty kelisken, baǵasy da bas aınaldyrarlyq altynmen aptalyp, kúmispen qamtalǵan, san-túrli asyl tastarmen bezendirilgen zergerlik buıymdar tek ádemilik úshin ǵana emes, sonymen birge adamnyń dáýletiniń tasyp, meımanasy asqandyǵyn da bildiretin, mártebesin pash etetin áshekeıge da aınalyp otyr.
Máselen, álemdegi eń qymbat zergerlik áshekeıler kóshin dızaıner Susan Rosen ázirlegen sýǵa shomylǵanda kıetin kıim (bıkını) bastap otyr. Bul gaýhar taspen kómkerilgen kıimniń quny 30 mln. dollarǵa jetip jyǵylady. Kıim jalpy salmaǵy 150 karatty quraıtyn gaýhar tastarmen órnektelgen ári tastarynyń sapasy da túsi de erekshe joǵary baǵalanady. Laǵyl jáne gaýhar taspen kómkerilgen alqa Ásemdigine sóz jetpes bul alqa Bırmada tabylǵan. Laǵyldyń pishini júrek ispettes, al salmaǵty 40,6 karatty quraıdy. Alqa boıynda jalpy salmaǵy 110 karatty quraıtyn usaq gaýhar tastar órilgen. Bul biregeı zergerlik týyndy 14 mln. dollarǵa baǵalanady. Gaýhar tasty syrǵa Joǵary sapada zergerlik áshekeıler jasaýmen aınalysatyn amerıkandyq Garrı Ýınstonnyń qolynan shyqqan bul gaýhar tasty syrǵa búginde 8,5 mln. dollarǵa tatıdy. Aıta keterligi, zergerlik týyndy 2006 jyly jasalǵanyna qaramastan búgingi kúnge deıin álemdegi eń qymbat syrǵa bolyp otyr. Bul áshekeıdegi gaýhar tastar pishin almurt nemes tamshy ispettes ári aınalasy platınamen kómkerilgen. Syrǵanyń jalpy salmaǵy 60 karatty quraıdy. Kógildir gaýhar tas jáne kolýmbııalyq merýert Taıaýda ǵana Gonkongta ótken Sotheby's aýktsıonynda shamamen 8 mln. dollarǵa kógildir tústi gaýhar tasty júzik satyldy. Árıne, júzik baǵasynyń munshalyqty qymbat bolýy eshkimdi de tańqaldyrmasy anyq. Óıtkeni, kógildir gaýhar tas tabıǵatty óte sırek kezdesedi. Onyń salmaǵy 6 karat. 3 mln. dollar. Bul Haute Joaillerie-niń móldirligi, sapasy, merýertteriniń túsi jaǵynan biregeı týyndy bolyp eseptelinetin alqasynyń baǵasy. Búginde mundaı merýertter álemdegi eń úzdik tastardyń qataryna jatqyzylady. Árıne, joǵaryda atap ótken zergerlik áshekeı buıymdardyń baǵasy ýaqyt óte kele ózgerýi de múmkin. Keıbir qaıta aýktsıonǵa shyǵarylsa, endi biriniń baǵasy qaıta qaralatyndyǵy da anyq. Sondyqtanda zergerlik buıymdardyń baǵasy, tipti ol barynsha qymbat bolsa da eń turaqsyz ólshem bolyp sanalady.
