Álemdegi eń qymbat úı Úndistanda ornalasqan
ASTANA. Qyrkúıektiń 11-i. QazAqparat - Búgingi tańdaǵy álemdegi eń úlken jeke turǵyn úı Úndistanda ornalasqan. 27 qabatty «Antılla» jekejaıynyń quny 2 mıllıard dollardyń shamasynda, onyń ıeleri - úndilik mıllıarderler Mýkeshe jáne Nıte Ambanı, dep habarlaıdy «Maıak» radıosy.
Úıdiń aýdany - 3 myń 700 sharshymetrden asady. Kóptegen qonaq kútetin, jatyn jáne jýynatyn bólmelerden basqa, bul úıde toǵyz lıft, altyqabatty garaj, kórme zaly, birneshe bar jáne shaǵyn teatr bar.
Eń qymbat jyljymaıtyn múlikterdiń tiziminde ekinshi oryndy Frantsııa jaǵalaýynda ornalasǵan «Lepolda» vıllasy ıelenip otyr. Onyń quny 780 mıllıon dollar shamasynda. Al úshinshi eń qymbat jyljymaıtyn múlik - Londonda Gaıd-parktegi №1 úıde ornalasqan penthaýs. Bul baspana jaqynda 220 mıllıon dollarǵa salynyp, álemdegi eń qymbat páter atanyp otyr.
