Álemdegi eń qymbat shyrsha janjalǵa sebep boldy
ASTANA. QazAqparat - Belgradtyń ortalyǵynan boı kótergen jasandy shyrshaǵa qala bıýdjetinen 83 myń eýro bólingeni týraly aqparatty Serbııa jurtshylyǵy qyzý talqylap jatyr, dep habarlaıdy euronews .
Aqparatty sybaılas jemqorlyqqa qarsy «Pıshtalka» («Ysqyryq») veb-saıty jarııalaǵan. Jýrnalısterdiń anyqtaýynsha, shyrshany alý týraly kelisimshart onyń ornatylýynan úsh kún buryn jasalǵan. Oppozıtsııa qala bıligin bıýdjet qarjysyn jymqyrdy dep aıyptaýda.
«Ol - álemdegi eń qymbat plastıkalyq shyrsha. Belgradtyqtar mundaı qorlyqty buryn-sońdy kórgen emes», - deıdi «Demokratııalyq partııanyń» Belgrad bólimshesiniń basshysy Balsha Bojovıch.
Shyrsha mundaı janjalǵa sebep bolatynyn qala bılili kútpegeni anyq, oǵan Aıaz atanyń ornyna narazylyq tanytqan turǵyndar keldi.
Belgrad meri Sınısha Malı qalalyqtarǵa onyń baǵasy týraly eshteńe bilmegenin aıtyp aqtaldy. Degenmen oppozıtsııa ókilderi resmı tergep-tekserý júrgizýdi talap etip otyr.
