Álemdegi eń qymbat qyzǵylt tústi gaýhar rekordtyq baǵaǵa satyldy
ASTANA. QazAqparat - Sotheby's bássaýda úıi «Qyzǵylt juldyz» atty álemge áıgili gaýhar tasty rekordtyq baǵaǵa satty.
Asyl tas nebary 5 mınýttyń ishinde ıesin tapqan. Salmaǵy 59,6 karat bolatyn «Qyzǵylt juldyz» - tarıhta saýdaǵa túsken eń úlken qyzǵylt tústi gaýhar. Ony gonkongtyq Chow Tai Fook Jewellery fırmasy 71,2 mln. dollarǵa satyp aldy. Asyl tastyń bássaýdadaǵy alǵashqy baǵasy bul baǵadan 15 mln-ǵa tómen bolǵan.
Buǵan deıingi rekordtyq baǵa «Kógildik Oppengeımer» dep atalatyn gaýhar tasqa tıesili bolǵan. Ótken jyldyń mamyrynda ol 50 mln. dollarǵa satylǵan edi.
Óńdelmeı turǵan kezinde «Qyzǵylt juldyzdyń» salmaǵy 132,5 karat bolǵan.
Asyl tas 1999 jyly OAR-daǵy De Beers atty ken ornynan tabylǵan.
