Álemdegi eń qymbat qonaqúı - Seıshel araldarynda
ASTANA. 10 tamyz. QazAqparat - Álemdegi eń qymbat qonaq úı Seıshel aralyndaǵy North Island Lodge bolyp shyqty, dep habarlady reseılik «Jańalyqtar» agenttigi.
Luxury-Hotels.com saıty sońǵy zertteýleriniń nátıjesimen osyndaı qorytyndy jasady. Júrgizilgen zertteýlerde kóptegen faktorlar eskerildi, sonyń ishinde jazǵy demalys keziniń eń qolaıly ýaqyty - 2013 jylǵy tamyz aıyndaǵy álem boıynsha jaıly qonaqúıleriniń tanymaldyǵyna nazar aýdarylǵan.
Máselen, Seıshel araldarynyń basty Mae aralynda eki adam bir tún rahattanyp, qonyp shyǵýy úshin 5843 dollar aqsha tóleıdi eken. Fıdjı araldaryndaǵy Laucala Resort qonaqúıiniń bir túngi aqysy 5043 dolardy quraıdy.
Al Seıshel araldaryndaǵy qonaqúılerdiń tiziminde ekinshi orynda Maia Luxury & Spa oteli tur. Mundaǵy demalys táýligine 2238 dollarǵa shyǵady. Bul kýrort Maenyń ońtústik-batys jaǵalaýynda ornalasqan.
Tómende álemdegi eń qymbat qonaq úılerdiń tizimi keltirilgen. Kórsetilgen baǵalar eki adamǵa bir túnge eseptelgen. Bul baǵalar 2013 jyldyń 1-31 tamyz aralyǵyndaǵy kezeńge arnalǵan.
1. North Island Lodge (Seıshel araldary) $ 5843
2. Laucala Resort (Fıdjı) $ 5040
3. Khwai River Lodge (Botsvana) $ 4060
4. Savute Elephant Camp (Botsvana) $ 4020
5. Eagle Island Camp (Botsvana) 3970 $
6. Singita Grumeti Reserves (Tanzanııa) 3570 $
7. King Pacific Lodge (Kanada) $ 3249
8. Mnemba Island Lodge (Tanzanııa) $ 3100
9. Otel Kala de Volpe (Italııa) $ 2939
10.Koroleva Sharlottanyń úıi (Kanada) $ 2800
