Álemdegi eń qymbat fotokamera 2,16 mln. eýroǵa satyldy
ASTANA. 21 mamyr. QazAqparat - Taıaýda Venada ótken Vestlıh aýktsıonynda 1923 jyly shyǵarylǵan Leica fotoapparaty rekordtyq somaǵa, naqty aıtqanda 2,16 mln. eýroǵa satyldy,
dep habarlady ÁzerTadj agenttigi.
Osylaısha, osydan 100 jyl buryn shyǵarylǵan nemistiń fotoapparaty álemdegi eń qymbat dúnıege aınaldy.
Aıta keteıik, fotokameralar arasyndaǵy buǵan deıingi rekord 2011 jyldyń mamyrynda ornatylǵan bolatyn. Ol kezde azııalyq jeke kollektsıoner fotoapparattyń dál osy markasyn 1,32 mln. eýroǵa satyp alǵan edi.
