Álemdegi eń qymbat bal Túrkııada
ASTANA. QazAqparat - Túrkııanyń soltústik-shyǵysyndaǵy Artvın qalasy mańynda álemdegi eń qymbat bal óndiriledi. Jergilikti turǵyndar oǵan «elfılik bal» degen ataý beripti. Onyń árbir kelisi 5000 eýroǵa deıin jetedi.
Jergilikti omartashy Gýnaı Gýndýz atalǵan bal ózgelerine qaraǵanda erekshe dep baǵalap otyr. Óıtkeni, bul bal jabaıy aralar qonystanǵan 1800 metr tereńdiktegi úńgirden alynady. Úńgirdegi mıkroklımat pen onyń qabyrǵalaryndaǵy mıneraldy quram baldy óte tátti ári paıdaly etedi. Gýnaı tek 2009 jyly ǵana osy úńgirdi anyqtaǵan. Ol kásibı alpınısterdiń kómegimen baldyń osy tabıǵı qoımasyna kiretin joldy taýyp alǵan. Keıin úńgirden 18 keli baldy alyp shyǵyp, ony Frantsııadaǵy zerthanalardyń birinde teksertedi. Zertteý nátıjesinde bul baldyń onda 7 jyl saqtalǵany jáne mıneraldyq zattarǵa baı ekeni anyqtaldy. Elfılik baldyń birinshi kelisi Frantsııada 45 myń eýroǵa satylsa, 2010 jyly qytaılyq farmatsevter taǵy bir kelisin 28 myń eýroǵa satyp aldy. Qazirgi kezde omartashy jabaıy aralardyń ónimin joǵaryda atalǵan baǵamen saýdalap jatyr.
