Álemdegi eń qymbat avtomobıl satýǵa qoıyldy
ASTANA. QazAqparat - Satýǵa shyǵarylǵan álemdegi eń qymbat avtomobıldiń ázirge belgilengen baǵasy 45 mln fýntov-sterlıng nemese 56 mln dollar.
Eger 250 GTO osyndaı baǵaǵa satylatyn bolsa, onda mashına álemdegi eń qymbat kólik bolmaq.
Al ázirge bul ataqqa ózge - 2013 jyly bássaýdada 38 mıllıon dollarǵa satylǵan 250 GTO (1963 jylǵy) ıe.
Osy arada aıta keter jaıt, kók tústi Ferrari 250 GT birneshe ret tanymal avtomobıl jarystaryna qatysqan. Atap aıtqanda, 1962 jyly ol «Sebrıngtiń 12 saǵaty» básekesinde jalpy esepte ekinshi oryn aldy. Al sol jylǵy «Le-Mananyń 24 saǵaty» jarysynda altynshy bolǵan.
Ferrari 250 GTO avtomobıliniń nebári 36 birligi shyǵarylǵan. Olardyń osy kezge deıin saqtalǵan árqaısysy kez kelgen kollektsıonerdiń armany bolyp esepteledi.
Bir qyzyǵy, 1969 jyly bul mashına 5400 dollarǵa satylǵan, artynan (sol 1969 jyly) 11 myń dollarǵa kóterildi. 1975 jyly avtomobıl 13 myńǵa, al 1978 jyly qaıta jańǵyrtqan soń 125 myń dollarǵa kúrt qymbattady.
