Álemdegi eń qymbat avtokólik kıim dızaınerine tıesili
ASTANA. QazAqparat - Búginde «Bugatti» markaly Type 57SC Atlantic modeldi avtokóligi álemdegi eń qymbat mashına bolyp sanalady.
Osyndaı qara tústi kólik kıim dızaıneri Ralf Lorenge tıesili jáne bul mashına onyń avtokollektsııasyndaǵy eń tańdaýlysy. Quny búginde 30 mln. dollarǵa baǵalanyp otyr.
1936 jyly «Bugatti» sheberleri avtokólik qurylysynda serpilis jasap, sol kezdiń úzdigin jurtshylyqqa usynǵan edi.
Ótken ǵasyrda shyǵarylǵan Type 57SC Atlantic kóligi saǵatyna 200 shaqyrym jerdi eńserýge qaýqarly boldy. Ol 210 at kúshi bar 3,2 lıtrlik qozǵaltqyshpen jabdyqtalǵan.
Árıne, qazirgi kezde mashına eskirgen, onyń osy jyldamdyqty baǵyndyrýy ekitalaı, dep jazady sheteldik BAQ.
