Álemdegi eń qymbat ári sándi vılla (FOTO)
ASTANA. 11 jeltoqsan. QazAqparat - Beverlı-Hıllzde (Kalıfornııa, AQSh) álemdegi eń qymbat vıllalardyń biri satylymǵa shyǵaryldy.
Teńdesi joq vılla 150 mln. dollar turady, dep habarlady RBK.
Kalıfornııalyq bul vıllany «kishkene qalashyq» dese de bolady. Munda bólek ornalasqan birneshe "kóppáterli" úıler bar, olar jaıaý júrginshiler kópirlerimen jalǵastyrylǵan. Negizgi rezıdentsııadan basqa, qonaqtar men qyzmetkerlerdiń úıleri, sondaı-aq oıyn-saýyq keshenderi men birneshe basseıin bar.
Záýlim úıdiń aýmaǵy 3,7 myń sharshy metrden asady, al jalpy aýmaǵy - 0,6 gektar. Bas úıde sportzal, oıyn bólmesi, úı kınoteatr bólmesi, dybys jazý stýdııasy, massaj kabıneti men eki saýna bar. Bul úıdiń basty ereksheligi barlyq 4 qabatty biriktirip turatyn - burandaly baspaldaq. Ol taý hrýstalinen, al jaqtaýlary nıkelden jasalǵan.
