Álemdegi eń kóp jalaqy alatyn fýtbolshy jyl boıy bir ret te gol soqpaǵan
ASTANA. QazAqparat - Qytaılyq «Hebeı Forchýn» klýbynyń argentınalyq shabýylshysy, álemniń eń jalaqysy joǵary fýtbolshysy atanǵan Esekıel Lavessı sońǵy jyly birde-bir gol soqqan joq. Bul týraly «Lenta.rý» habarlady.
2016 jylǵy maýsymda Lavessı 2016-Amerıka Kýbogynyń AQSh komandasy men argentınalyqtar arasyndaǵy jartylaı fınaldyq oıynynda qolyn syndyryp alǵan jáne Qytaıǵa oralǵan kezde «Hebeı Forchýn» negizgi quramyndaǵy ornynan aıyrylyp qaldy. Osy ýaqyt ishinde komanda sapynda ol 10 oıyn ǵana ótkizip, bir ret te gol soqpaǵan.
Lavessı aptasyna 577 myń eýro (620 myń dollar) alady, ıaǵnı, álemdegi eń jalaqysy kóp fýtbolshy. Ol frantsýzdyq «Parı-Sen Jermennen» Qytaıǵa aýysyp, 2016 jylǵy 12 aqpanda «Hebeı Forchýnmen» kelisimshartqa qol qoıǵan bolatyn.
