Álemdegi eń kóp ushqysh áıelder qaı memlekette turady
ASTANA. QazAqparat - Halyqaralyq avıatsııalyq ushqyshtar qaýymdastyǵynyń derekterine sáıkes, Úndistan ushqysh áıelder sany boıynsha álemde birinshi memleket bolyp tanyldy. Bul týraly QazAqparat The Telegraph saıtyna silteme jasap habarlaıdy.
Agenttik habarlaýynsha, dúnıejúzi boıynsha ushqyshtardyń shamamen 5%-yn áıelder qaýymy quraıdy. Atalǵan kórsetkishti elderge bólip qarastyrǵanda, Úndistanda ushqysh əıelder sany 13%-ke jýyqtaıdy. Bul Batystyń birqatar elderinen eki-úsh esege joǵary. Máselen, Ulybrıtanııada avıatsııa salasyndaǵy nəzik jandar sany - 4,77% bolsa, AQSh-ta 4,36%.
Aıta keteıik, Úndistan - avıatsııalyq naryǵy jyldam damyp kele jatqan memleket. Elde únemi ushqyshtardyń jetispeýshiligi baıqalyp turady.
