Álemdegi eń kóp tabys tabatyn sportshylar anyqtaldy
NUR-SULTAN. QazAqparat - Ispandyq «Barselonanyń» shabýylshysy Lıonel Messı Forbes jýrnalynyń nusqasy boıynsha álemdegi eń kóp tabys tabatyn sportshylar tiziminde birinshi orynǵa shyqty, dep habarlaıdy «QazAqparat» HAA.
2018 jyldyń maýsymynan 2019 jyldyń maýsymyna deıingi aralyqta fýtbolshy 127 mln dollar tabysqa kenelgen.
Ekinshi orynda bir jyl buryn jarnamalyq kelisimder arqyly argentınalyq sportshydan asyp túsken «ıÝventýstyń» shabýylshysy Krıshtıaný Ronaldý (109 mln dollar) keledi.
Úshinshi orynǵa 105 mln dollar tabysqa qol jetkizgen «PSJ» shabýylshysy Neımar shyqty.
Tórtinshi orynda - boksshy Kanelo Alvares (94 mln.dollar), al tennısshi Rodjer Federer (93,4 mln. dollar) besinshi.
Eń tabysty sportshylardyń ondyǵyna 89,5 jáne sáıkesinshe 89,3 mln dollar tapqan amerıkalyq fýtboldyń oıynshylary Rassell Ýılson men Aaron Rodjers, sondaı-aq basketbolshy Lebron Djeıms (89 mln), Stefen Karrı (79,8 mln) jáne Kevın Dıýran (65,4 mln) kirdi.
