Álemdegi eń kóne órkenıet belgili boldy
ASTANA. QazAqparat - Úndistannyń geofızıkteri men arheologtary Úndi órkenıeti álemdegi eń kóne órkenıet bolýy múmkin degen kýálikter usyndy. Zertteý Scientific Reports jýrnalynda jarııalanǵan, ol týraly Daily Mail da qysqasha habarlap otyr. Bul týraly Lenta.rý jazady.
Ǵalymdardyń jańa jumysyna sáıkes, Úndi órkenıeti buryn eseptelgendeı, 5,5 myń jyl ýaqyt buryn emes, odan 2,5 jyl erte paıda bolǵan. Mamandardyń tujyrymdary rastalǵan jaǵdaıda, bul ony Mesopotamııa jáne Kóne Mysyrdyń joǵary damyǵan memleketterinen de kóne etedi.
Ǵalymdar Úndi órkenıetiniń jasyn Úndistannyń Fatehabad okrýginen tabylǵan sol órkenıettegi jasandy zattardy (kúıiktas úlgileri men eki arheologııalyq qabat janýarlary súıekteri) radıokómirtekti jáne optıkalyq merzimdeýden keıin jańarta aldy. Mamandar óz málimetterin qaıta teksermek.
Úndi (Harapp) órkenıeti Ind ózeniniń ańǵarynda tirshilik etken. Onyń qalalarynda káriz ben qoǵamdyq dárethanalar, al kentterinde - jer sýlandyratyn júıeler boldy. Úndi órkenıeti bizdiń dáýirimizge deıingi XVII ǵasyrǵa qaraı quldyraǵan. Onyń sebepterdiń biri retinde qazirgi ırandyqtar men úndilikter ata-babalarynyń bul ólkege basyp kirýi atalady.
