Álemdegi eń kóne bank satylymǵa shyǵaryldy
ASTANA. QazAqparat - Italııada áleýeti jaǵyna úshinshi, al álemde eń kóne bolyp tabylatyn Banca Monte dei Paschi di Siena banki satylymǵa shyǵaryldy.
Bul týraly The Wall Street Journal habarlaıdy.
Basylymnyń málimetteri boıynsha, bank bul sharany uıymdastyrý úshin UBS pen Citi-di jaldaǵan. Buǵan deıin bul eki ınvestıtsııalyq bank Monte dei Paschi-diń 5 mıllıard eýrony quraıtyn aktsııalarynyń qosymsha emıssııasyn daıyndady. Derekkózderdiń aqparattaryna qaraǵanda, ol 2015 jyldyń ekinshi toqsanyna josparlanǵan.
Monte Paschi 1472 jyly Sıenada qala-memlekettiń muqtaj jurtshylyǵyna arzan nesıelerdi berý úshin qurylǵan bolatyn.
