Álemdegi eń kishkentaı er adamnyń boıy 27 sm - FOTO
ASTANA. QazAqparat - Edvard Ernandestiń jasy 28-de. Ol óziniń jeke fermasy, súıikti qyzy jáne djıp kóligi bolǵanyn armandaıdy. Múmkin bul keıbirine arman da emes shyǵar, al Kolýmbııanyń kedeı aýdanynda turatyn Edvard úshin bul - oryndalmas arman. Sebebi bul jigittiń boıy 27 sm ǵana bolyp keledi, dep jazady The Daily Mail.
Osydan 5 jyl buryn Edvard boıy óspegenine qınalyp, taǵdyryna nalıtyn edi. Tipti, adamdardyń mazaǵynan qashyp, úıinen kóp shyǵa qoımaıtyn.
2010 jyly Qytaıda álemdegi eń kishkentaı adam qaza tapty. Osydan keıin Edvardqa Gınnestiń rekordtar kitabynda jumys isteıtin qyzmetkerler habarlasyp, keıin onyń boıyn ólshep, kitapqa engizdi. Álemniń eń kishkentaı turǵyny týraly álemdik BAQ jaza bastady. Kóp uzamaı túrli baǵdarlamalar men tok-shoýlarǵa qatysý týraly kóp usynys aldy.
