Álemdegi eń kishkentaı adam Gınnesstiń rekordtar kitabyna ótinim bermekshi
ASTANA. Aqpannyń 22-si. QazAqparat - Boıy ne bári 56 santımetr bolatyn Nepaldyń turǵyny ǵalamshardaǵy eń kishkentaı adam degen ataqqa qol jetkizý úshin Eýropaǵa keldi. Jasy 18-degi Hagendr Thap Magar Gınnesstiń rekordtar kitabyna resmı ótinim berý úshin ákesimen birge Italııaǵa taban tiredi,
dep habarlaıdy QazAqparat Ýtro.rý saıtyna silteme jasap.
Magardyń otbasy alǵash ret Hagendr 14-ke tolǵan kezde rekordqa degen ózderiniń quqyqtary týraly málimdegen bolatyn. Alaıda ótinim berýshiniń - jasóspirimniń áli ósýi múmkin ekendigi kórsetilip, ótinim keıinge qaldyryldy.
Qazirgi ýaqytta boıy 73 santımetrdi quraıtyn He Pın Pın eń kishkentaı adam bolyp sanalady. Absolıýtti rekord úndistandyq Gúl Mohammedke tıesili. Onyń boıy 57 santımetr - ıaǵnı Magarǵa qaraǵanda bir santımetr artyq.
