Álemdegi eń kishkene adam ómirden ozdy
NUR-SULTAN. QazAqparat - Álemdegi eń kishkene adam— Hagendra Tapa Magar 28 jasynda qaıtys boldy, dep habarlaıdy QazAqparat Gınnestiń rekordtar kitabynyń saıtyna silteme jasap.
Hagendra Tapa Magar Nepalda 1992 týǵan. Boıy 67,08 santımetr bolǵandyqtan ári ózdiginen qozǵalý qabiletin saqtaǵandyqtan álemdegi eń kishkene adam bolyp tanyldy. Alǵash ret Gınnestiń rekordtar kitabyna 2011 jyly engizildi.
Hagendra fılıppındik Djýnreı Balaýıngadan jeti santımetr bıik edi, biraq syrqatyna baılanysty ol ózgeniń kómeginsiz júre de, tura da almaıtyn.
Dostarynyń aıtýynsha, sońǵy ýaqytta Hagendranyń júregi syr bergen, sondaı-aq ókpesi qabynyp jáne demikpege shaldyqqan.
Nepaldaǵy Manipal aýrýhanasyna 16 qańtarda jatqyzylǵan ol jergilikti ýaqytpen 15:00-de qaıtys boldy»,-delingen habarlamada.
