Álemdegi eń kedeı prezıdent qyzmetinen ketedi
ASTANA. QazAqparat - Senbi kúni tarıhqa «eń kedeı prezıdent» retinde enetin Ýrýgvaı basshysy Hose Mýhıkıdiń mandaty merzimi aıaqtalady, dep habarlady Rosbalt.
Konstıtýtsııaǵa sáıkes memleket basshysynyń ekinshi merzimge qatarynan daýysqa túsýine quqyǵy joq. Ýrýgvaıda ótken saılaýdyń nátıjesimen 2015 jylǵy 1 naýryzda eldiń burynǵy prezıdenti, 74 jastaǵy onkolog-dáriger Tabare Vaskes 4 jylǵy úzilisten keıin bılikke oralady.
Degenmen, Mýhıkı saıası sahnadan ketpeıdi, ol senator laýazymyna jaıǵasady, dep habarlady TASS.
Ýrýgvaıdyń qyzmetinen ketip bara jatqan kóshbasshysy buryn 1960-1970 jyldary rejımmen kúreste lańkestik, bankterdi tonaý, kepildikter alý sııaqty kúrestiń qarýly ádisterin paıdalanǵan Tupamaros tobynyń qatysýshysy retinde tanymal. Áskerlermen qaqtyǵysta Mýhıkı alty ret jaralandy, tutqynǵa alyndy, azaptaýlardan ótip, jalpy alǵanda 14 jyldan astam ýaqyt boıy túrmede otyrdy. 1985 jyly naýryzda saıası tutqyndarǵa keshirim jarııalanǵannan keıin bılikti kúshpen basyp alýdy qoldaný qate ekenin túsingen jaǵdaıda bostandyqqa shyqty.
Hose Mýhıkıdi baspasóz «álemdegi eń kedeı prezıdent» dep atady. Ol qarapaıym kıingendi qolaı kóredi, eńbekaqysynyń edáýir bóligin qaıyrymdylyqqa beredi jáne qala syrtyndaǵy qarapaıym úıde turady.
