Álemdegi eń kedeı prezıdent búkil tabysyn qaıyrymdylyqqa jumsaıdy
ASTANA. 30 qyrkúıek. QazAqparat- Ýrýgvaıdyń Prezıdenti Hose Mýhıký barlyq tabysyn qaıyrymdylyq isine jumsaıdy, dep habarlady «RuNews.org» saıty. Ony otandastary «eń kedeı prezıdent» dep ataıdy.
Ol óziniń 12,5 myń dollar kólemindegi jalaqysynyń 1250 dollaryn ózine qaldyrady da, qalǵan 90 paıyzyn qaıyrymdylyq sharalaryna jumsaıdy. Onyń áıeli senator, ol da ózi tabysyn kúıeýi sııaqty izgilikti sharalarǵa jaratady.
Mýhıkýdyń búkil prezıdenttik kezeńinde eldiń eń birinshi erli-zaıyptylary 1945 dollarǵa Folksvagen mashınasyn ǵana satyp alypty.
«Maǵan bul aqsha tolyq jetip-artylady jáne jetýge tıis, óıtkeni kóptegen ýrýgvaılyqtardyń tabysy budan da tómen», - deıdi ol.
Olar Montevıdeo mańyndaǵy fermada turady, bankte eshqandaı esepshottary joq, qaryzdan da ada, ártúrli bekzattyq sharalardan góri keshti otbasymen ótkizgendi unatady.
