Álemdegi eń kedeı memleketterdiń biri koronavırýs oshaǵyna aınalýy múmkin – BUU
NUR-SULTAN. QazAqparat - Birikken Ulttar uıymy COVID-19 taralýy boıynsha álemdegi jaǵdaıdy taldaý negizinde, eń kedeı memleketterdiń biri - Mıanma ınfektsııa oshaǵyna aınalýy múmkin ekenin eskertedi. Bul elden ınfektsııa eshqandaı baqylaýsyz taraı berýi múmkin.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
«Mıanma COVID-19 taralýynyń asa qaýipti oshaǵyna aınalyp keledi, bul elde vırýstyń asa juqpaly ári qaýipti jańa nusqalary – «delta» jáne ózge shtamm túrleri taralǵan. Bul óte qaýipti», - dedi BUU Arnaıy baıandamashysy Tom Endrıýs.
Ol atalmysh eldiń Jer shary turǵyndarynyń úshten bir bóligi shoǵyrlanǵan - Bangladesh, Úndistan jáne Qytaı memlekettermen ortaq shekarasy bar ekenin atap ótti.
