Álemdegi eń qaýipti janartaýlardyń biri oıandy
ASTANA. 31 mamyr. QazAqparat - Kolýmbııada álemdegi eń qaýipti janartaýlardyń biri sanalatyn Nevado-del-Rýısa janar taýynyń belsendiligi kúsheıdi. Bul týraly Habar agenttigi málimdedi.
Jaqyn jatqan birneshe qalany aq tútin basyp ketti. Osynyń kesirinen Manısales, Armenııa, Kartago men Pereıra qalalarynyń áýejaılary jumysyn toqtatty. Janartaýdan atqan kúl osy aımaqtaǵy áýe qatynasyna kedergi keltirýi múmkin. Seısmologtar janar taýdyń belsendiligin muqııat baqylap otyr. Ol el astanasy Bogotadan nebary 130 shaqyrym qashyqtyqta ornalasqan. Ókimet jergilikti turǵyndardy kóshýge daıyn bolýǵa shaqyrdy. Nevado-del-Rýısa And taýlaryndaǵy eń bıik janartaý. 1985 jyldyń qarasha aıynda onyń atqylaýy úlken kasiretke ákeldi. Janartaýdan aqqan aǵyn Armero qalasyn túgel basyp ketip, sol kezde 25 myń adam opat bolǵan edi.
