Álemdegi eń qaýipti qalalar ataldy
ASTANA. QazAqparat - Meksıkandyq «Qoǵamdyq qaýipsizdik jáne qylmystyq sot ádilettigi azamattyq keńesi» úkimettik emes uıymynyń taldaýyna sáıkes Gondýrastyń San-Pedro-Sýla qalasy tórtinshi jyl qatarynan eń qaýipti qala bolyp tanylyp otyr, dep habarlady RIA Novostı.
Osy uıymnyń prezıdenti Hose Antonıo Orteganyń aıtýynsha, 2014 jyly San-Pedro-Sýladaǵy kisi ólimi árbir 100 myń adamǵa shaqqanda 171,2-den kelip otyr. Ekinshi orynda Venesýelanyń astanasy - Karakas (100 myń adamǵa shaqqanda 116 kisi óltirý oqıǵasy) jáne meksıkandyq Akapýlko kýrorty (104-ten astam kisi óltirý) tur.
Bul reıtıng paıda keltiredi, bul saıası jumys, ol bılikke jáne azamattyq qoǵamǵa jaǵdaıdy bilýge kómektesedi, ókimet tarapynan kisi ólimi deńgeıin tómendetý jóninde ýáde de bar», - dep málim etti Ortega.
Keńestiń málimetterine qaraǵanda, álemdegi 50 qaýipti qalanyń 47-si amerıkandyq qurlyqta, sonyń ishinde 43-i - Latyn Amerıkasynda ornalasqan.
Degenmen kolýmbııalyq jáne meksıkandyq qalalarda zombylyqpen kisi óltirý deńgeıin tómendetý jónindegi kórsetkishter jaqsarǵan. Máselen, qylmystyq Terreonda (Meksıka) kisi óltirý sany bir jyldyń ishinde ǵana 100 myń adamǵa shaqqanda 54,2-den 27,8-ge tómendegen. Al kolýmbııalyq Medelınde 2010 jylmen salystyrǵanda osy kórsetkishtiń tómendeýi 67 paıyzdy quraǵan - 82,6-dan 26,9-ǵa deıin.
Tizimdegi 50 qaýipti qalanyń 19-y Brazılııada, 10-y - Meksıkada, beseýi - Kolýmbııada, tórteýi - Venesýelada jáne taǵy tórteýi - AQSh-ta ornalasqan, dep atap ótedi uıym.
