Álemdegi eń qaýipsiz qala anyqtaldy
ASTANA. QazAqparat - Numbeo.com portaly júrgizgen saýalnama álemdegi eń qaýipsiz qalanyń BAÁ astanasy Ábý-Dabı ekenin kórsetti.
Reıtıngte barlyǵy 378 qala baq synasty. Numbeo.com portal qoldanýshylarynyń aqparattary negizinde derekter bazasyn jáne qylmystyq ındeksti esepke aldy, dep jazdy ámirliktiń The National basylymy.
Portal esepterine sáıkes, eger qylmystyq ındeks 20 baldan tómen bolsa, qalany qaýipsiz dep sanaýǵa bolady. Ábý-Dabıde bul ındeks 14,4 baldy kórsetti. 2001 jyly qalanyń 100 000 turǵynyna 119,8 qylmystan kelgen. Al 2013 jyly bul kórsetkish 110,2-ge deıin, 2015 jyly - 83,8-ge deıin tómendegen.
Sonymen birge, eń qaýipsiz qalalar sanatyna Mıýnhen (Germanııa), Taıbeı (Taıvan, Qytaı), shveıtsarııalyq Bazel jáne Tsıýrıh, Doha (Katar) jáne Sıngapýr qalalary endi.
