Álemdegi eń qaýipsiz el anyqtaldy
ASTANA. QazAqparat - 2017 jyly álemdegi eń qaýipsiz el - Fınlıandııa bolyp shyqty. Dúnıejúzilik ekonomıkalyq forýmnyń (DEF) sarapshylary osyndaı qorytyndyǵa keldi, dep habarlaıdy Lenta.ru.
Fınlıandııa reıtıngtegi 136 eldiń ishinen kósh bastap tur. Bul memleket 2016 jyldyń qazan aıynda jarııalanǵan osyndaı tizimde de birinshi orynda bolǵan edi.
Ekinshi oryndy Birikken Arab Ámirligi (BAÁ) ıelendi. Úshtikti Islandııa tuıyqtaıdy. Sondaı-aq, alǵashqy ondyqqa Oman, Gonkong (QHR-dyń arnaıy aýdany), Sıngapýr, Norvegııa, Shveıtsarııa, Rýanda jáne Katar ilikken.
Reıtıng jasaýda qylmys pen terrorrızm jaǵdaıy, sondaı-aq áskerı shıelenister esepke alynady.
Beısenbi, 13 sáýir kúni DEF Kolýmbııany álemdegi eń qaýipti el dep tanydy. Osyndaı ondyqtyń ishine Ýkraına da kirgen.
Dúnıejúzilik ekonomıkalyq forým - shveıtsarlyq úkimettik emes uıym. Ol halyqaralyq problematıkany talqylaıtyn jyl saıynǵy Davostaǵy kezdesýlerimen tanymal.
