Álemdegi eń qart olımpıadashy 106 jasynda ómirden ozdy

Týystarynyń habarlaýynsha, onyń jaqynda júrek talmasy ustap, 107 jasqa nebári 5 kún qalǵanda baqılyq bolyp kete barǵan. Ýolsh óziniń astana mańyndaǵy Arlıngtondaǵy úıinde jan tapsyrypty.

Ýolter Ýolsh 1948 jyly Londonda ótken jazǵy olımpıadaǵa 50 metr qashyqtyqtan tapanshamen nysana atý saıysy boıynsha qatysqan. Ol sol joly 12 oryndy qanaǵat tutyp, esh júldesiz oralsa da, araǵa 58 jyl salyp óziniń «olımpıadalyq» rekordyn ornatty.

2013 jyly 105 jas 321 kún ǵumyr súrgen ol taǵy bir amerıkalyq gımnast Rýdolfa Shreıderdi basyp ozyp, jer betindegi eń uzaq jasaǵan olımpıadashy atanǵan bolatyn, dep habarlaıdy ITAR-TASS.