Álemdegi eń qart keıýana Nıý-Iorkte óziniń 116 jyldyǵyn toılady
ASTANA. QazAqparat - Álemdegi eń qart áıel dúısenbi kúni Nıý-Iorkte óziniń 116 jyldyǵyn atap ótti. Sıýzanna Mushatt Djons bul ataýly kúndi januıasymen birge toılady.
Al qoǵamdyq toılaý seısenbi kúni Research Group gerontologııa ortalyǵynyń qoldaýymen uıymdastyryldy.
Eske sala ketsek, Djons 1899 jyly Alabamada týǵan. 1922 jyly orta mektepti aıaqtaǵan soń soltústikke Nıý-Djersıge, keıin Nıý-Iorkke kóshken. Munda jabdyqtaýshynyń balasyn baqqan. 1965 jyly zeınetke shyqqan Djons óziniń kóp jyldyq ómirin tynysh uıqymen baılanystyrady. Sonymen qatar ol eshýaqytta temeki shekpegen jáne ishimdik ishpegen.
Gınnestiń rekordtar kitabynyń resmı ókili onyń eń qart turǵyn ekenin rastaıtyn sertıfıkattyń seısenbi kúni tapsyrylǵanyn málim etti.
