Álemdegi eń qart er adam kóz jumdy
NUR-SULTAN. QazAqparat – Brıtanııada álemdegi eń qart er adam Robert Ýeıton qaıtys boldy. Ol naýryz aıynda óziniń 112-týǵan kúnin toılaǵan edi, dep habarlaıdy QazAqparat BBC aqparat agenttigine silteme jasap.
Aqpan aıynda Ýeıton 112 jastaǵy japon azamaty Tıtetsý Vatanabe qaıtys bolǵannan keıin álemde eń uzaq ómir súrýshi er adam dep tanylǵan edi.
Robert Ýeıton 1908 jyly 29 naýryzda Shyǵys Iorkshırdegi Hall qalasynda dúnıege kelgen. Brıtandyq ómir boıy ınjener bolyp jumys istegen jáne uzaq jyldar Taıvan, Japonııa jáne Kanadada issaparlarda bolǵan.
Ol Bı-bı-sıge bergen suhbatynda uzaq ómir súrýdiń qupııasy – «ólmeýge tyrysý» dep aıtqan.
Robert Ýeıton Brıtanııanyń eń qart áıeli pýlalyq Djoan Hokkardpen bir kúnde týǵan. Onyń artynda eki balasy, 10 nemeresi jáne 25 shóberesi qaldy.
Aıta ketsek, álemdegi eń qart áıel japondyq Keın Tanaka, ol 117 jasta.
