Álemdegi eń qart er adam dúnıeden ozdy
ASTANA. QazAqparat - Izraıldiń Haıfe qalasynda turatyn álemdegi eń qart er adam 113 jasynda dúnıeden ozdy. Bul týraly The Haaretz habarlady.
Israel Krıstal 1903 jyldyń qyrkúıek aıynda Polshada týǵan. 1940 jyly Krıstal fashıstik Osventsım lagerine toǵytyldy, holokost kezinde ol áıeli men eki balasynan aıyryldy. Keıin ol ekinshi ret úılenip, 1950 jyly Izraılge kóshti. Ol kámpıt óndirisimen aınalysty.
2016 jyly japondyq ıAsýtaro Koıde qaıtys bolǵannan keıin 112 jasta bolǵan Krıstal álemdegi eń qart er adam dep tanyldy.
Polshada Krıstaldyń jasyn rastaıtyn qujattar tabylǵannan keıin Gınnes rekordtar kitaby ony uzaq ómir súrýshi retinde tirkedi.
Qazirgi ýaqytta ǵalamshardyń eń qart adamy 117 jastaǵy ıAmaıka turǵyny Vaıolet Moss Braýn (Violet Mosse Brown) bolyp tabylady.
