Álemdegi eń qart áıel 117 jasqa toldy
NUR-SULTAN. QazAqparat – Japonııada álemdegi eń qart áıel Kane Tanaka 117 jasqa tolǵandyǵyn atap ótti. Ol Fýkýoka qalasynda qarttar úıinde turady, dep habarlaıdy «Tokıo sımbýn» basylymy.
Tanaka-san týǵan kúninde ashyq sary tústi ulttyq kımono kıdi. Oǵan dostary gúl shoqtaryn, quttyqtaý haty men tort berdi.
«Óte dámdi», - dedi japondyq keıýana.
Eske salaıyq, Kane Tanaka 1903 jyly Fýkýoka prefektýrasynda dúnıege kelgen. Ótken jyly naýryzda ǵalamsharymyzdaǵy eń qart áıel retinde Gınnestiń rekordtar kitabyna endi. Ol álige deıin ústel oıyndaryn oınap, matematıkalyq esepter shyǵarǵandy jaqsy kóredi.
