Álemdegi eń qart adam Japonııada turady
OKIO. QazAparat - Japonııa turǵyny Kane Tanaka Gınnestiń rekordtar kitabyna jahannyń eń qart turǵyny retinde endi. Ol barlyǵy 116 jyl 66 kún ómir súrgen, dep habarlaıdy QazAqparat TASS agenttigine silteme jasap.
Japonııa turǵyny Fýkýoka qalasyndaǵy qarttar úıinde turady. Senbi kúni oǵan abyroıly ataqty resmı tapsyrý rásimi ótti. Áıel bolsa bul jaǵdaı onyń ómirindegi eń qýanyshty sát ekenin aıtty.
Tanaka 1903 jyldyń 2-aqpanynda týǵan. Onyń kúıeýi men úlken balasy Ekinshi dúnıejúzilik soǵysta qaıtys bolǵan. Qart ómir boıy kúıeýi ekeýi birge ashqan, kúrishten daıyndalǵan motı shelpekterin satatyn dúkende jumys istegen. 1970 jyldary zeınetke shyqqan ol birneshe márte shetelde - AQSh-ta bolǵan.
2005 jyldan beri Tanaka Fýkýoka qalasyndaǵy qarttar úıinde turady. Ol erte turǵandy jáne ústel ústindegi oıyndardy unatady. Sondaı-aq táttige de qumar. 103 jasynda ol qaterlik isikke operatsııa jasatqan. Sodan beri densaýlyǵyna shaǵymdanbaǵan.
Aıta ketetin másele, jer sharynyń osyǵan deıingi eń qart turǵyny da japonııalyq bolatyn. Tıe Mııako ótken jyly 117 jasynda qaıtys boldy.
