Álemdegi eń qart 112 jastaǵy er adam Osventsım tutqyny bolyp shyqty
ASTANA. QazAqparat - Gerontology Research Group halyqaralyq zertteý toby ǵalamshardaǵy jańa eń qart adamdy tapty, dep habarlady «Peterbýrgskıı dnevnık» basylymy.
112 jastaǵy Israel Krıstal Ekinshi dúnıejúzilik soǵys jyldarynda fashıstik Osventsım lageriniń tutqyny boldy.
Izraıl turǵyny onyń naqty jasy anyqtalǵannan keıin resmı túrde álemdegi eń qart er adam bolyp tanyldy.
Zertteýshiler aldymen ǵasyrdan astam ómir súrgen adamnyń otbasyna elektrondy hat joldap, Krıstaldyń osy ataqqa úmitker bolǵanyn habarlady. Biraq ta ony dáleldeý úshin Israel Krıstal óziniń jasyn qýattaıtyn qujatty tabýy tıis edi. Bul qujat 20 jasqa jetkenshe alynýy mindetti.
Áýelde Krıstalda mundaı qaǵaz bolmaı shyqty. Degenmen jaqynda Polshadan burynǵy kontslager tutqynynyń týǵan kúni jazylǵan qujat tabyldy.
Gerontology Research Group búkil álem boıynsha 110 jastan asqan adamdardy izdep taýyp, óziniń tizimin Gınnesstiń rekordtar kitabyna joldap otyrady.
