Álemdegi eń kári mysyq Amerıkada turady
ASTANA. QazAqparat - Gınnestiń rekordtar kitaby Skýter atty mysyq jer betindegi eń kári mysyq dep kýálik berdi. Ol 1986 jyly 26 naýryzda dúnıege kelgen, 30 jyldaı ıesi Geıl Floıdpen birge júrgen.
Úı ıesi áıeldiń aıtýynsha, osy jyldary mysyqtyń daǵdysy ózgermegen, ol tańerteń saǵat altyda mııaýlap tamaq suraıdy, keshke áıeldi jumystan kelgende esik aldynda kútip alady. Geıl mysyǵynyń uzaq ómir súrýin qozǵalysynyń kóptiginen dep sanaıdy. 30 jylda Skýter Amerıkanyń 50 shtatynyń 45-in aralaǵan.
Ol tórt aptalyǵynda anasynan aıyrylǵan, 2014 kúzde aıaǵyn syndyryp alǵan eken. Sol sebepti qazirgi deıin medıtsınalyq tekserýden ótip, janýarlar dárigerine qaralyp turady.
Buǵan deıin álemdegi eń kári mysyq Oregon shtatyndaǵy 26 jyl ómir súrgen Kordýroı sanalyp keldi. Al eń uzaq ómir súrgen mysyqtyń ǵumyry 38 jyl 3 kúnge sozylypty.
