Álemdegi eń kári maımyl kóz jumdy
ASTANA. QazAqparat - AQSh-taǵy San-Dıego haıýanattar baǵynda jasy 60-qa kelgen álemdegi eń kári Vıla atty gorılla kóz jumdy, dep habarlaıdy QazAqparat Bı-Bı-Sı agenttigine silteme jasap.
Zoobaq basshylyǵynyń málimdeýinshe, alpys jyl ómir súrgen urǵashy maımyldyń artynan bes býynnyń urpaǵy órbigen.
«Gorıllanyń mundaı uzaq jasaýy álemde óte sırek. Ádette olar 35-40 jyl ǵana jasaıdy», - deıdi Kalıfornııadaǵy safarı-parktiń jetekshisi Peggı Segston.
Álemdegi eń kári gorıllalardyń taǵy biri Arkanzastaǵy Lıtl-Rok haıýanattar baǵynda turady eken. Onyń jasy 61 shamasynda.
Ol Afrıkada tabıǵat ortasynda dúnıege kelgen. Keıin ony adamdar ústap alyp gorıllany zoobaqqa tapsyrǵan.
Eske sala ketsek, ótken jyly qamaýda týǵan jáne sol kezdegi jasy eń úlken sanalǵan Kolo atty kári maımyl dúnıeden ótken bolatyn.
