Álemdegi eń kári qoqıqazdy 84 jasynda óltirýge týra keldi
ASTANA. QazAqparat - Avstralııanyń ońtústigindegi Adelaıda haıýanattar baǵynda 1933 jyldan beri tirshilik etken álemdegi eń kári qoqıqazdy óltirýge týra keldi, dep jazady segodnya.ua.
Aǵylshynsha Greater Flamingo (Phoenicopterus roseus, qyzǵylt qoqıqaz) túrin bildiretin qustyń aty - Greıter. Haıýanattar baǵynyń ákimshiligi habarlaǵandaı, ony 84 jasynda óltirýge týra kelgen. Sońǵy ýaqytta qustyń qartaıýyna baılanysty ómir súrýi qıyndaǵan. Veterınarlar oǵan kómektesetin tásildiń qalmaǵanyn alǵa tartty.
Greıterdiń alpys jyl tirshilik etken Chılı atty qoqıqaz dosy bar. Veterınarlar dosyn joǵaltqany oǵan qalaı áser etetinin baqylaýda. Greıter - álemdegi eń kári qoqıqaz ári Avstralııada tirshilik etken eń sońǵy qyzǵylt qoqıqaz. Ákimshilik derekteri boıynsha odan keıingi kári qoqıqaz Ońtústik Amerıkanyń haıýanattar baǵynyń birinde eken, onyń jasy 67-de. Jabaıy qoqıqazdar shamamen 25 jas ómir súredi, alaıda erkinen tys jaqsy kútimdegi ózin qaýipsiz sezinetin qoqıqazdar kóp ómir súredi eken.
