Álemdegi eń qabiletti oqýshylar anyqtaldy
ASTANA. 4 jeltoqsan. QazAqparat - PISA (Oqýshylardyń oqý jetistikterin baǵalaýdyń halyqaralyq baǵdarlamasy) bilim berý jahandyq reıtınginde Shanhaıdyń mektep oqýshylary alǵashqy oryndy ıelendi, dep jazady lenta.ru.
Shanhaıdyń mektep oqýshylary zertteýdiń barlyq úsh sanatynda - matematıka, oqý jáne ǵylymı saýattylyq boıynsha alǵashqy oryndy ıelendi. Qytaıdan basqa osy sanattaǵy úzdikter bestigine negizinen Shyǵys Azııa elderinen: Sıngapýr, Taıvan, Japonııa jáne Ońtústik Koreıadan kelgen qatysýshylar endi.
Barlyq úsh sanat boıynsha alǵashqy ondyqqa Azııa elderinen Vetnam, al batys memleketterden - Irlandııa, Polsha, Lıhtenshteın, Shveıtsarııa, Nıderlandy, Estonııa jáne Kanada kirdi.
PISA reıtıngi 2000 jyldan bastap ár úsh jyl saıyn júrgiziledi. Onyń kómegimen oqýshylardyń akademııalyq bilimi emes, olardyń sol bilimdi tájirıbede qanshalyqty sátti qoldana alatyny baǵalanady. 2012 jyly zertteýge 65 memleketten 15-16 jastaǵy 510 myńǵa jýyq jasóspirim qatysqan.
