Álemdegi eń iri teleskop narazylyqtar saldarynan Kanar araldaryna kóshirilýi múmkin
ASTANA. QazAqparat - Gavaı araldaryna qurylysyn salý josparlanǵan otyz metrlik TMT teleskop, basqa orynda turǵyzylýy múmkin.
Bul týraly basqarýshylar keńesiniń málimdemesinde aıtyldy, dep jazady gazeta.ru. Jergilikti turǵyndardyń narazylyǵy bolashaqta ǵalamshardaǵy osyǵan uqsas eń iri quraldardyń biri bolýy múmkin, quny mıllıard dollardan astam teleskop qurylysyna buryn da turaqty túrde kesirin tıgizip kelgen bolatyn.
Jobany basqarýshylar keńesi músheleriniń májilisinde Kanar araldaryn qurylys ornynyń basty balamasy retinde qaraýǵa sheshim qabyldandy. «Muqııat óz pikirlerin tarazylaǵannan keıin keńes Gavaı araldaryna basty balama retinde Palma (Kanar araldary) aýmaǵyndaǵy Roke-de-los-Mýchachos observatorııasyn tańdady»,- delingen keńes málimdemesinde.
