Álemdegi eń eski haıýanattar baǵyndaǵy órt sóndirildi
ASTANA. QazAqparat London haıýanattar baǵynda shyqqan órt der kezinde óshirildi. Bul týraly brıtan astanasynyń órt qyzmeti ózderiniń Twitter paraqshalarynda jazǵan.
Haıýanattar baǵyndaǵy dámhana men kádesyılar dúkenin sharpyǵan tilsiz jaýdy aýyzdyqtaýǵa 10 órt sóndirý mashınasy men birge 72 órt sóndirýshi maman tartylǵan. Kezekshi pýltine órt jaıly habar jergilikti ýaqyt boıynsha 06:00-de túsken, dep habarlaıdy TASS .
Jalyn sharpyǵan aýmaqta haıýanattar da bolǵan, ázirge olardyń amandyǵy týraly málimet aıtylǵan joq.
Álemdegi eń eski bolyp sanalatyn London haıýanattar baǵynyń irgetasy 1828 jyly qalanǵan.
