Álemdegi eń bıik ǵımarat matamen qaptalmaq
ASTANA. QazAqparat - Dýbaıdaǵy álemniń eń bıik ǵımaraty «Býrdj-Halıfanyń» sáýleti dızaınerlerdiń kóńilinen shyqpaýda. Sondyqtan ony jańa reńke engizýge bilek sybana kirisken shyǵarmashylyq top 828 metrlik záýlim ǵımaratty mataǵa uqsas oramamen qaptaýdy jón kórip otyr, dep habarlaıdy sheteldik BAQ.
Dızaınerlik ıdeıaǵa sáıkes ǵımarattyń bir bóligi jartylaı móldir jaryq shaǵyldyrǵysh ekranmen qaptalady. Kúndiz ol ǵımarttyń tóńiregindegi barlyq qorshaǵan ortany shaǵylystyryp, kórsetip tursa, keshqurym ári túnde ony vızýaldy beınelerdi kórsetý úshin paıdalanýǵa bolady.
Ekran "Býrdj-Halıfa" ǵımaratynyń ýaqytsha ǵana áshekeıi bolmaq. Degenmen, ol ázirshe ıdeıa ǵana, iske qashan asatyndyǵy belgisiz. Aıta keterligi, ǵımarat qojaıyny Emaar Properties kompanııasy tarabynan dızaınerlik toptyń mundaı ıdeıasyna esh jaýap joq.
