Álemdegi eń baı mıllıarderdiń biri ómirden ozdy
NUR-SULTAN. QazAqparat – Amerıkalyq mıllıarder, energetıkalyq jáne hımııalyq Koch Industries korporatsııasynyń negizin qalaýshy Devıd Koh AQSh-ta 79 jasynda kóz jumdy, dep habarlaıdy NBC telearnasy onyń aǵasy, mıllıarder Charlz Kohqa silteme jasap.
Ótken jyly Devıd Kohden densaýlyǵynyń nasharlaýyna baılanysty Koch Industries korporatsııasyn basqarýdan ketken bolatyn.
Forbes jýrnaly onyń baılyǵyn 50,5 mlrd dollarǵa baǵalaǵan. Sondaı-aq, 2019 jylǵy álemdegi eń baı mıllıarderler reıtınginde 11 orynǵa qoıǵan bolatyn.
Bloomberg bolsa, aǵaıyndy Kohtardy álemniń eń baı otbasynyń biri dep atady.
Agenttik 1940 jyly kompanııanyń negizin qalaǵan, qyryq jyldan soń amerıkalyq Koch Industries korporatsııasyna aınalǵan Fred Kohtyń eki ulynyń baılyǵyn 58,7 mlrd dollarǵa baǵalaıdy.
