Álemdegi eń baı áıel anyqtaldy
ASTANA. QazAqparat - Wealth-X and UBS Billionaire Census 2014 basylymy dúnıe júzindegi mıllıarderler tizimin jarııalady. Olardyń jalpy sany 2325 bolsa, munyń 12%-yn áıel adamdar quraıdy eken.
Názik jandylardyń kapıtalynyń jalpy kólemi 930 mıllıard dollarǵa jetedi. Alaıda 216 mıllıarder áıelderdiń tek 17%-y ǵana baılyqtaryna óz eńbekterimen qol jetkizgen. Sonymen, Amerıkanyń eń baı áıeli Krıstı Velton bolyp shyqty. Onyń baılyǵy 37,9 mıllıard dollardy quraıdy. Krıstıge bul qarajat Walmart-tyń negizin qalaýshynyń uly, 2005 jyly jol apatynan kóz jumǵan Djon Veltonnan muraǵa qalǵan. Al Eýropanyń ári eń baı, ári eń kári áıeli retinde 92 jastaǵy Lılıan Betankýr ataldy. Oǵan ákesinen L'Oreal kosmetıkalyq ımperııasy muraǵa qalǵan. Onyń baılyǵy - 3,3 mıllıard dollar kóleminde. Taıaý Shyǵystaǵy eń baı áıel dep ızraıldik Sherı Arıson tanyldy. Ol Apoalım bankiniń baqylaý paketiniń jáne Arison investments kompanııasynyń ıegeri. Munyń bári oǵan ákesi Ted Arısonnan qalǵan. Sherıdiń baılyǵynyń jalpy kólemi 4,2 mlrd. dollardy quraıdy, dep habarlaıdy MIGnews.com.
