Álemdegi eń baı adam bir kúnde 11,2 mlrd dollarynan aıyryldy
PARIJ. QazAqparat – Álemdegi eń baı adam Bernar Arno AQSh ekonomıkasynyń álsireýi sán-saltanat zattaryna suranysty tómendetedi degen qaýipten bir kúnde óz dáýletinen 11,2 mlrd dollar joǵaltty. QazAqparat bul týraly NDTV.com-ǵa silteme jasap habarlaıdy.
Louis Vuitton, Moet & Chandon jáne Christian Dior syndy saýda markalary enetin LVMH frantsýzdyq transulttyq kompanııasynyń negizin qalaýshy B.Arnonyń baılyǵy 2023 jyly qarqyndy ósimdi kórsetti. Sebebi sán-saltanat zattaryn shyǵaratyn eýropalyq kompanııalar aktsııalarynyń quny da birden artqan bolatyn.
Alaıda, seısenbi kúni jaǵdaı azdap ózgergen. Parıjde LVMH aktsııalary 5% arzandaǵan (bir jyldaǵy eń joǵary kórsetkish). Solaısha, sán-saltanat zattaryn shyǵaratyn eýropalyq segment bir kúnde jalpy 30 mlrd dollar joǵaltqan.
Degenmen, Bloomberg mıllıarderleriniń ındeksine súıensek, aktsııalardyń atalǵan quldyraýynan B.Arnonyń dáýleti burynǵysha 191,6 mlrd dollardy quraıdy. Bıyl onyń qazynasy 29,5 mlrd dollarmen tolyǵa túsken.
Aıta keteıik, Bernar Arno men ǵalamshardaǵy ekinshi dáýletti adam Ilon Masktiń baılyǵy arasyndaǵy alshaqtyq 11,4 mlrd dollarǵa qysqardy.
