Álemdegi eń baı adam anyqtaldy
ASTANA. QazAqparat - Meksıkalyq mıllıarder Karlos Slım jer betindegi eń baı adam dep sanalady, dep habarlady Forbes jýrnaly.
Basylym derekterinshe, onyń qazynasy 79,6 mıllıard dollarǵa baǵalanǵan. Bul osyǵan deıin baılardyń kóshin bastaǵan Bıll Geıtstiń (79,1 mıllıard dollar) qazynasynan 500 mıllıon dollarǵa kóp.
Buǵan Slımniń Meksıkadaǵy telekommýnıkatsııa salasynda negizgi oryndy alatyn America Movil kompanııasy aktıvi qunynyń ósýi sebep bolǵan. Telmex jáne Telcel mobıldi operatorlary aktıvteriniń bólinýi týraly habar taraǵanda aktsııa baǵasy kóterilgen. Meksıkanyń jańa zańnamasynyń talaptary osyndaı - bir operatorǵa baılanys naryǵynyń 50%-dan artyq mólsherin ıemdenýge tyıym salynady.
Slımniń bıznesi telekommýnıkatsııamen baılanysty. Ol Meksıkanyń ǵana emes, Latyn Amerıkasyndaǵy ózge elderdiń de baılanys salasyn óz baqylaýynda ustap otyr. 2013 jyly eń baı adamdardyń tizimin bastap turǵan Slımdi Bıll Geıts ekinshi orynǵa yǵystyrǵan. Endi Slım bul ataǵyn qaıta ıemdendi.
