Álemdegi eń baı 300 adam taǵy 500 mıllıardqa baıydy
ASTANA. 4 qańtar. QazAqparat - Bloomberg agenttigi 2013 jyly álemniń eń baı degen 300 adamynyń ámııandary taǵy qanshaǵa qampaıǵanyn sanady.
Agenttik málimetterine qaraǵanda, olardyń jalpy dáýleti 524 mıllıard dollarǵa kóbeıgen. Jalpy alǵanda, olardyń qoldarynda 3 trıllıon 700 mıllıard dollar qarjy bar.
Ótken jyly baı adamdardyń reıtıngisinde kóshti Microsoft basshysy Bıll Geıts bastady. Onyń qazynasy 16 mıllıard dollarǵa ósip, 78,5 mıllıardty kórsetken. Geıts Meksıkanyń alpaýyty Karlos Slımdi ekinshi orynǵa ysyrdy. Ótken jyly Slım bir jarym mıllıardqa shyǵyndalǵan. Úshinshi orynda ıspanııalyq Omansıo Ortega. Inditex saýda ımperııasynyń negizin salýshy bir jylda 9 mıllıardqa baıı túsken.
