Álemdegi eń baqytty el belgili boldy
ASTANA.QazAqparat - Fınlıandııa BUU nusqasy boıynsha álemdegi eń baqytty elderdiń kóshin bastap tur, dep habarlaıdy «QazAqparat» HAA.
BUU World Happiness Report jyl saıynǵy baıandamasynda ІJÓ, jemqorlyq, erkindik, ómir uzaqtyǵy, áleýmettik qoldaý sııaqty kórsetkishterge súıene otyryp 156 eldiń ishindegi eń baqytty memleketterdi ataıdy.
Byltyr 5-orynnan kóringen Fınlıandııa bıyl Norvegııany keıin syrǵytyp, reıtıngte kósh bastap tur.
Alǵashqy ondyqqa Norvegııadan basqa Danııa, Islandııa, Shveıtsarııa, Nıderland, Kanada, Jańa Zelandııa, Shvetsııa jáne Avstralııa memleketteri kiredi eken.
Eń baqytsyz elder retinde Ońtústik Sýdan, Ortalyq Afrıka Respýblıkasy jáne Býrýndı tanylǵan.
Foto: lonelyplanet.com
