Álemdegi eń aýyr avıajolaýshylar - amerıkalyqtar
ASTANA. QazAqparat - APEX mamandary jańa biregeı zertteý júrgizdi. Oǵan 3 400 adam qatysty. Zertteý nátıjesinde kúlli ǵalamshar boıynsha eń aýyr avıa jolaýshylar AQSh azamattary dep tanyldy, dep habarlady Business Traveller basylymy.
Statıstıka kórsetkendeı, el boıynsha da, álem boıynsha da ushaqpen júretin Soltústik Amerıkanyń ár tórtinshi turǵynynyń salmaǵy 91 keliden asady, bul rette Azııadan keletin týrısterdiń 71 paıyzynyń salmaǵy 68 keliden aspaıdy. Budan basqa zertteýde sol tolyqsha kelgen jolaýshylar avıakompanııa jumysyna rıza bola qoımaıtyny baıqaldy.
Kóbinese olar aıaq qoıatyn orynnyń tarlyǵyna, jolaýshylar arasyndaǵy qashyqtyq tym jaqyndyǵyna, oryndyqtyń shaǵyndyǵyna shaǵymdanady. Ushaqqa minetin on adamnyń altaýy aıaǵyn qoıýǵa qosymsha keńistik alý úshin on dollardaı ústeme aqy tóleýge ázir.
Sholý sońǵy ushyrylym kezinde shamamen otyz úsh paıyz jolaýshynyń Jelige qoljetimdiligi bolǵanyn anyqtady. Sondaı-aq bıznes-synyppen saıahattaıtyn adamdar ekonom-synyp adamdaryna qaraǵanda, basqa jolaýshylarmen kóbirek aralasatyny anyqtaldy, dep jazady sheteldik BAQ.
