Álemdegi eń arzan roýmıng baǵasy Qazaqstanda - mamandar pikiri
ASTANA. 9 maýsym. QazAqparat /Aıdar Ospanalıev/ - Baılanys jáne aqparat mınıstrligi roýmıng baǵasynyń arzandatýdy josparlap otyr.
Bul týraly búgin ınternet tehnologııalaryn damytý jóninde jýrnalıstermen bolǵan baspasóz máslıhatynda Baılanys jáne aqparat mınıstrligi Baılanys jáne aqparattandyrý komıtetiniń tóraǵasy Rızat Nurshabekov málim etti.
Onyń sózine qaraǵanda, Qazaqstan kóptegen áriptes eldermen roýmnıg arqyly arnaıy jeńildiktermen sóılesedi. Mysaly, Eýropalyq odaq osy uıymǵa múshe elderdegi roýmıngine jeńildikter engizgen. Alaıda ol jeńildikterdi basqa operatorlar paıdalana almaıdy. «Osyǵan qaraı biz de TMD-ǵa múshe 12 elmen osyndaı sharany qarastyrýdy jón sanap otyrmyz»,-dedi komıtet tóraǵasy.
Al aqparattyq tehnologııalar salasy mamandarynyń pikirinshe, Qazaqstandaǵy abonetterge roýmıng arqyly eń tómengi baǵa qoıylǵan. «Bizdegideı tarıfter álemniń birde-bir memleketinde joq. Tipti Eýropa men Eýropalyq odaqqa múshe elderdiń ózinde mundaı múmkindikter joq. Muny Qazaqstan halqy bilýi kerek», -deıdi mamandar.
