Álemdegi eń alyp vıntti qanaty bar MI-26 tikushaǵy Qazaqstan áýesinde alǵashqy saparyn jasady
ASTANA. 29 narýyz. QazAqparat - Taıaýda QR Qarýly kúshteriniń áýe qorǵanysy qarýlarynyń qatary MI-26 áskerı-kóliktik tikushaǵymen tolyqty.
Bul aqparatty elimizdiń Qorǵanys mınıstrliginiń baspasóz qyzmeti taratyp otyr.
Vedomstvonyń atap ótýinshe, tikushaq Reseıdiń Novosibir qalasynda bir jyl boıy jóndeýden ári jańǵyrtýdan ótti. Endigi ýaqytta, elimizdiń áýe qorǵanysy qarýlarynyń sapyn tolyqtyrǵan tikushaqpen 53975 áskerı bóliminiń ushqyshtary Almaty men Almaty oblysynyń áýe keńistiginde oqý-jattyǵý ushýlaryn júzege asyratyn bolady.
MI-26 tikushaǵyna vıntti qanatynyń qýatyn aıtarlyqtaı arttyratyn jańa novıgatsııalyq qural-jabdyq ornatylǵan.
Aıta keteıik, buǵan deıin de, naqty aıtqanda, 2009 jyly Qazaqstannyń Qarýly kúshteri taǵy bir alyp tikushaqpen tolyqqan bolatyn.
