Álemdegi eń alyp ushaqtyń Grenlandııa aspanynda qozǵaltqyshy isten shyqty
ASTANA. QazAqparat - AF66 reısi boıynsha Parıjden Los-Andjeleske qaraı ushyp bara jatqan Air France áýe kompanııasynyń ushaǵy Kanadanyń Gýs-Beı qalasynda apatty jaǵdaıda qonýǵa májbúr boldy, dep habarlaıdy Bı-bı-sı.
Álemdegi eń úlken ushaq ataltyn A380 aerobýsynyń bortynda 496 jolaýshy men 24 ekıpaj múshesi bolǵan.
Ushaq Grenlandııanyń ústinen ótip bara jatqan sátte 4 qozǵaltqyshynyń biri isten shyqqan jáne onyń bir bóligi julynyp túsken.
Bolǵan jaıǵa qaramastan, laıner Kanada jerine sátti qondy. Zardap shekken eshkim joq. Alaıda jolaýshylar ushaq qonǵannan keıin de birneshe saǵat boıy borttan shyǵarylǵan joq.
