Álemdegi eń alǵashqy kórinbeıtin munara Koreıada salynady
ASTANA. 7 aqpan. QazAqparat - Ońtústikkoreıalyq sáýletshiler oılap tapqan bul joba álemniń segizinshi keremeti atana alady. Bul álemdegi eń alǵashqy Tower Infinity atty kórinbeıtin munara, dep habarlady RosBıznesKonsaltıng.
Naqty aıtqanda munara tolyǵymen emes, tek onyń keı jerleri ǵana kórinbeıtin bolady. Ol kóp mólsherdegi móldir krıstalldan salynady. Bul munaranyń jartylaı kórinbeıtin bolýy úshin arnaıy materıaldar men optıkalyq tehnologııalar qoldanylady.
Munaranyń jobasyn GDS Architects sáýlet kompanııasynyń mamandary jasady.
Bul ǵımaratty 2014 jylǵa qaraı salyp bitirmek. Tower Infinity munarasynyń bıiktigi 450 metrdi, al qurylysqa usynylǵan alańnyń kólemi 145,5 myń sharshymetrdi quraıtyn bolady.
Munaranyń shamamen 400 metr bıiktiginde ásem kórinisti baqylaýǵa arnalǵan arnaıy qaraıtyn alań jabdyqtalady. Ǵımarattyń negizinde kommertsııalyq, mádenı, oıyn-saýyq jáne sport nysandaryn - saýda oryndary men dámhana, akvapark ashý josparlanyp otyr.
Tower Infinity basqa munaralarǵa qaraǵanda álemdegi eń bıik jáne qymbat munara bolyp tabylýymen erekshelenetin bolady. Ol Ońtústik Koreıanyń sımvoly bolmaq.
